Library

Асквш 2013 апхын абаза чкIвынргIа р-АдкIылара «Шарпны» абаза уагIа жвлара ражва дыргауата Къарча-Черкес йтыцIта Красна Полянадза атшыгIвчва гвып рамдара адгалра ауысла Россия Федерация а-Правительства апредседатель йцхърагIагIв Козак Дмитрий Николай йпа тшизынадырхатI. Абари апш гIаджвыквцIара ззынархаз абазакви апсуакви рапхъанчIви чIвыла Швача шта (Сочи) апны йакIвшуш йгIважви гIвбахауа агъын олимпия хъвмарраква рыцкIра акIвын. Абаза чкIвынргIа ргIаджвыквцIара Россия а-Правительства апынгьи йацыркIтI.


Асквш 2013 октябрь а 12 атшын Гвым (Красна Восток) кыт апны айззара ду акIвшатI. Ауи араъа йтыцIта Красна Поляна ахьыла йцуш атшыгIвчва гвып рнадасра йадахIвуата йадыргалтI. Абаза тшыгIвчва Гвым йтыцIын Къвайдан кыт ахьыла йджвыквылтI. Акыт абзазагIвчва ауат гвыргъьара дула йгIарпылтI.

Къвайдан амщтахь агIамдагIвчва рымгIва Псыжв кытла (Дарыкъвакт) йщтIан. Ауаъа йнамдзаскIва Черкесск йрылстI. Акъала абзазагIвчва агвып рквпшыра гIальаматра ду азырбатI, йджьарщатI. ЦIабыргыта ауи апш гIаншара гIальамат ансимшгьи уыла йгьгIацIашвум.

Псыжв кыт абзазагIвчвагьи атшыгIвчва пхата йгIарпылтI. АтшыгIвчва ргIамдара йапхъахауа амш араса йалгатI. ЙащтагIайуаз атшын абаза тшыгIвчва мгIва йатаквылхтI.

Абаза чкIвынргIа р-АдкIылара «Шарпны»
асайт агIвыраквала йадгалапI

Поделиться в соц. сетях

Share to Google Buzz
Share to Google Plus
Share to LiveJournal
Share to MyWorld
Share to Odnoklassniki