Library

«Асквш абаза ашва» анкъвакъвра йахъыцIуа ахвысквша йадахIвуата а-Дуней апсуа-абаза адкIылара «Алашара» абаза культура а-Фестиваль акIвдыршатI. Сентябрь а 17 Черкесск арыпхьара квта «Полиглот» апны «Абазаква рфеномен: Россия апынгьи агIвыма къральква рпынгьи» – хIва йахьызта «стол гьажьы» адыргалтI. Айззара Къарча-Черкес республика а-Правительствагьи, Россия Федерация Ажвлара палатагьи, акультура уысквала Россия Федерация а-Министерствагьи ргIащтийыгIвчва алан.

А-Фестиваль апсуа-абаза угIахъа ркультура бзазара апынгIваца йгIанымхауата магIны зму гIаншара дута йалтI. «Астол гьажьы» акIвыршара йалата йгIачважватI Йорданшта йгIатыцIыз асасчва (ауат Амман апны йаныргIалу Ачеркес гвчIагIвчпара жвлара йыргIащтийыгIвын), Апсны республика йгIатыцIыз агвып, Россия Федерация Ажвлара палата агIащтийыгIвчва, Къарча-Черкес республика а-Правительстви а-Парламенти ргIащтийыгIвчва, йапшым аугIахъа жвлараква ргIащтийыгIвчва, ажурналистква, арыпхьагIвчва.

Йхъаду темата ауатыкв йтан абаза бызшва агIащаквыжьра, ауи ауысла «Алашара» адкIылара нхарата йакIвдыршауа агIарбараква, апхъахьыла ари анархарала – абаза бызшва агIахчара йазынарху – уыста йадгалчIву, программата йлыхчIву, ауасамцара.

Анйара адгалагIвчва рпахь хачIвыта йдыргылкваз йрыуан Россия йтабзазауа анахьанат аугIахъаквагьи йрыхъвушта йызшIпшы йауаш швапха бзи адыргалныс, йгIадырбаныс, швъата йлырхныс. Ауи акIвпIта, астол гьажьы «Абазаква рфеномен: Россия апынгьи агIвыма къральква рпынгьи» акIвыршара йапшым апроект дуква ргIаджвыквцIара хъата йазалныс ауаштI –Россия аугIахъаква рыбызшваква, ркультураква (датшата йухIвушызтын, рэтнокультура тынха) агIахчара йазынарху апрограммаква рлыхра, анйара, айззара джьащахъваква радгалра.

Уыжв ласыла хIсайт йгIаквхIцIуштI астол гьажьы шакIвшаз йгIаквчважвауа йауацIыху арепортаж.

Поделиться в соц. сетях

Share to Google Buzz
Share to Google Plus
Share to LiveJournal
Share to MyWorld
Share to Odnoklassniki