Library

Асквш 2012 йгIашIарышвта атаможня ауысквала Апсны акъральыгIва комитет агIвымакъральква рахьыла йахъысуа йгьи арыла йгIатаргауа атичIвпкъыгIваква рунашва ашвъа йанырцIитI. Статистикали рхъвыхрали ауи акъральыгIва уыснкъвгарта ахъвшара аунашвачпагIв Шохин Эльдар йшихIвауала, ари анхара атичIвпкъвыгIваква руысла гIарбара щарда рзыщаквыргылуата йгIарцхърагIитI.


Абар ахъвшара анхагIвчва йщаквдыргылыз агIарбараква. Асквш 2012 йапхъахауа ацымызкI руацIа пкъыгIвата акъральыгIва мажа йахъысыз сом миллиард 6,748 гIацIанакIитI. Ауат рэкспорт процент 25,7-ла йалахIатI, сом миллиард 1,48 йнадзатI. Акъраль ауацIала йгIатаргаз апкъыгIваква процент 0,2-ла йрылдзгIатI, сом миллиард 5,7 йнадзатI. Асальдо лдзгIара амата акIвпI йшцауа – сом пщмиллиардкIи мильуан 651,8 йнадзатI.

ЙалкIгIата атичIвпкъыгIваква збжьаныкъвауа России Трыквшти ракIвпI. Ауат акъралькви Апсны республики рбжьара апкъыгIваква рхвгIара-тира апхьадзара процент 82 йнадзитI (процент 64 – Россия йгьи процент 18 – Трыквшта). Арахьарат акъральква рахьыла йнадзауа йгIанхаз апроцент 18 ракIвпI (Прибалтика акъральква – хвпроценткI, Молдавия – гIвпроценткI, Германия – гIвпроценткI, Украина – проценткI, Китай – проценткI, арахьарат акъральква йрыквшвауа апхьадзара адукIылырквын быжьпроценткI йнадзитI).

Шохин Эльдар йшгIаликIгIазла, «аэкономика ауысла Апсны республика зщтаныкъвауа агIвымакъральква ргеография тшауацIнахтI (ЙщаквкIу аокеан апны йгIашIарышвта Лагъь Америка апныдза), уахьчIвала ауат рпхьадзара 30 йайхIапI».

Аинформагентства «REGNUM» ахабарквала йадгалапI

“REGNUM”

Поделиться в соц. сетях

Share to Google Buzz
Share to Google Plus
Share to LiveJournal
Share to MyWorld
Share to Odnoklassniki