Library

Август а 2 атшын а-Президент Анкваб Александр йрайгван дрынйатI Апсны республики Россия Федерации рпны аугIа рартист Герзмава Хибла, Станиславский К.С. йгьи Немирович-Данченко В.И. рыхьызква зхъу Москва академия музыка театр адирижер хъада Коробов Феликс йгьи апианист, Чайковский П.И. йыхьыз зхъу Москва къральыгIва консерватория адоцент Ганелина Екатерина.

Ауи апхъала, июнь а 14 агIан, Анкваб Александр Коробов Ф. йгьи Ганелина Е. Апсны амузыка культури аршIыйари ртшауацIнарыхрала ралацIара ъащарду йагIарбагата «Апсны апны гIатгара зму артист» чIахIныгIва хьзы шырквнадыргауала а-Унашва мачвы ацIайцIатI. АршIыйара хIагIа пIатIу ду аквызцIауа рыхьызла «Герзмава Хибла швгIалрайгвитI» фестиваль апны рыршIыйра аъазара ъагIадырбаз ахъазла а-Президент пхата драйхIвахIвтI, дшырзыразу йхIватI.

«Герзмава Хибла швгIалрайгвитI» музыка фестивальта асквш 2001 агIан Хибла йылгIаджвыквцIарахатI. Йапхъахуз афестиваль Хибла лцри къала Пицунда апны йакIвшатI. УахьчIвала Пицунда апынгьи, Согъвым апынгьи, Апсны анахьанат акъалаква рпынгьи ауи афестиваль йаланакIуа аконцертква акIвшитI. Афестиваль акIвшауищтара йцIуа ажвизсквша руацIа Апсны апны рыршIыйара гIадырбахьатI йбергьльу амузыкантква: Спиваков Владимир йгьи а-КъральыгIва камерна оркестр «Москва авиртуозква», Рудин Александр унашва зхъицIауа Москва камерна оркестр «Musica Viva», Образцова Елена (меццо-сопрано), Ладюк Василий (баритон), Станиславский К.С. йгьи Немирович-Данченко В.И. рыхьызква зхъу Москва академия музыка театр аоркестр, афестиваль концертква акIвзыршалауа йбергьльу аурышв музыковед Бэлза Святослав.

Герзмава Хибла лара лтланыкъвала а-Президент йанакIвызлакIгьи амузыка фестиваль акIвыршара йъацIикIуа, дъацхърагIауа ахъазла пхата дйызхIвахIвтI. Ауи Коробов Феликсгьи Ганелина Екатеринагьи ачIахIныгIва хьзы ъагIарквнадыргаз ахъазла драйхIвахIвтI, афестиваль акIвыршара ангIаджвыквыл йгIашIарышвта йшлыцыркIуа, ларгьи дшырзыразу лхIватI.

Афестиваль акIвыршара лара Герзмава Хибла гIапсарати къарути йалалцIауа щтIихуата а-Президент Апсны апны йбзийу амузыка цIаскви акультура цIаскви шщаквгылуа гIаликIгIатI.

– Акультура зрыкIкIауа агIвычIвгIвысквайрыцкIра, цхърагIара драйдзара – абарауи хIара хачIвыта хIпахь йгылапI, – йхIвитI Анкваб Александр. – ХIара хIыхъазла швынхара амагIны швабыж йдупI. Ауи йапшу ацынхара штшауацIнахуаш, йшбагъьахуш хIазгылапI.

Коробов Феликс Согъвым амузыка училища апны йгIахъыртIуаш афлейти атруби ркафедра шIыц ахъазла амузыка ъамапсымаква ркомплект согIата йриттI. «ЧкIвынргIа рыршIыйара аъамапсыма бзиквала йгIалагара атахъыпI, аъамапсыма йапхъахауата йанахьысра лахIварата йгIарылалуа акIвпI уадыргIвана рапхьарагьи рынхарагьи йагIарбагахуш», – йхIватI адирижер.

Аинформагентстваква рхабарквала йадгалапI

Поделиться в соц. сетях

Share to Google Buzz
Share to Google Plus
Share to LiveJournal
Share to MyWorld
Share to Odnoklassniki