Library

ГIахIврала ансамбль «Ридада» RIDADE, Трыквшта йтабзазауа апсуаква ракIвпI йгIанзыршаз. Ауат Апсны йгIайын аконцертква артатI. Ансамбль рунашвачпагIв Агрба Джихат йшихIвауала, ансамбль йалакву рыуа щардагIвы рабадучва рпсадгьыл йапхъахауата йырбатI.

«ХIара хIабачвагьи хIабадучвагьи хIугIахъа культура рзыгIащаквыжьтI – йгIадзынгылуаз абанпараква йыддырдыруамцара йгIамгIвайстI. Трыквшта апны апсуа культури ацIаскви ргIахчара руысла йхIылшауа зымгIва хIчпитI: хIцри апсуа бызшвала хIчважвитI, хIансимш бзазара апны ацIасква нкъвыгIгитI, аугIа рашваква хIхIвитI, хIугIахъа гIахIвраква тшырзыгIбжьитI», – йхIватI Агрба Джихат хIайчважвара апны.

Ансамбль аконцертква Пицунда апынгьи, Очамчыра район йтагылу Члоу кыт апынгьи, Согъвым йтагылу Гумба Р. йыхьыз зхьзу Апсуа къральыгIва филармония азал апынгьи йакIвшатI.

Апсны апны «Ридада» ансамбль йакIвдыршаз аконцертква збзиру «Tkuarchalugol» фирма адиректор хъада Ардзынба Тайфун йакIвпI, ауи ахчала дырцхърагIатI. Йара Ардзынба Тайфун асквшква 1992-1993 рагIан Абашта айсра анакIвшуз Апсны дгIаталхтI.

Поделиться в соц. сетях

Share to Google Buzz
Share to Google Plus
Share to LiveJournal
Share to MyWorld
Share to Odnoklassniki