Library

Дублин къала апны (Ирландия) боксла асквшква 1999-2000 руацIа ййыз ачкIвынчва рквтала Европа Апхъагылара акIвшатI. Ачемпионат къраль 19 йгIартыцIаз спортсмен 160-гIва райхIа алан. ХIычкIвынчва гвып ргIатгараква гIарпхьадзауата хьапщ медальта жвба, рызна медальта хпа, джьаз медальта хпа гIарыртатI. Анкъвакъвра ачемпионква дрыуапI абжьагIвы ЕмгIвыкъва Псабыда дыздынхалуа ачкIвын Цамба Эдгард. Ауи жвахсквша дыртапI.

Телефонла хIайчважвауата Псабыда Эдгард джьгарта штшгIайырбаз йхIватI, афинал анйара апны хвба нольта дайгIайтI. Эдгард Ачемпионат даналалуаз дшапхъагылагIвхушла йаба Цамба Нурали ажва йыйтын ауи дазцIабыргхатI.
ЙгIашвхIыргвалашвахпI. Цамба Эдгард Анапа апны йакIвшуз чкIвынргIа рквтала Анапа апны йакIвшаз Россия апхъагылара даначемпионха амщтахь акIвпI. ЗхIатларала килограмм 50 йнадзауа абоксерква зымгIва драгъьта тшгIайырбатI.
ЕмгIвыкъва Псабыда ари айгIайра дшайгвыргъьауа, жвахсквша зныбжьу аспортсмент шIа йхъа шйыладухауа гьцIайкIуам. АчкIвын йаба Цамба Нурали йпа швабыж дхъгвыргIвуз ажва гьалам.
ЕмгIвыкъва Псабыда йшихIвауала, Эдгард йпахь ахачIв дуква йыргылитI, ауи ахIатырла мачIкI тшанпсищара амщтахь дамайчуата йхъа дадынхалуаштI.

Квициниа Инна

Поделиться в соц. сетях

Share to Google Buzz
Share to Google Plus
Share to LiveJournal
Share to MyWorld
Share to Odnoklassniki