Library

Август а 15 Апсны акъральыгIва филармония асцена апны Къабард-Балкъар республика гIахIврала а-КъральыгIва академия ансамбль «Кабардинка» гIахъвмартI. Агвыргъьахъв концерт асквшква 1992-1993 рагIан йакIвшаз Абашта айсра апны АйгIайра йахъыцIуа асквш 20 йадахIвуата йадыргалтI. Ансамбль рунашвачпагIв Атабиев Игорь йшихIвазла, йцIыхъвахауа асквш 22 руацIа Апсны апны «Кабардинка» гьгIамхъвмарсызтI. «УахьчIва АйгIайра Амш йазынархата йакIвшауа аконцерт хIалазланыс хIъагIадрайгваз «Кабардинка» ансамбль йалакву магIны ду амата йхIпхьадзитI», – йгIацицIахтI Атабиев И.

АгIахIвча асцена йгIаквылпхьадза Апсны апшыгIвчва ауат йырзыразта напIасра дула йнардасуан. Анасамбль йалакву зымгIвагьи агвыргъьахъв концерт йалалныс йъагIадрайгваз ргвапата йшразу рхIватI, Апсны апны йсасныс ъарылшазгьи ргвапапI. Культурала Къабард-Балкъар республика йгьи Апсны республика рминистерстваква мурадта рпахь йдыргылуа ари акIвпI: айщчва уагIахъаква акультура ауысквала айгвара рбжьата ращтаныкъвара рыцIа-рыцIа йбагъьаханыс.

Квициниа Асида,
«Абаза Къраль» сайт йазалхпI

Поделиться в соц. сетях

Share to Google Buzz
Share to Google Plus
Share to LiveJournal
Share to MyWorld
Share to Odnoklassniki