Library

Владикавказ йтагылу Туганов МухIарбакь йыхьыз зхъу асуратгIвыраква рмузей апны КIавкIаз йгIаквчважвауа агIарбарта гIахъыртIытI. Асуратква РОСФОТО ащтIацIартаква рпны йадкIылу йгIарылхпI. ШIырпшыра змам арат асуратква йжвежвхауа асквшышв аквта йгIашIарышвта йгIважвахауа асквшышв агIаталымтадза йгIацIанакIуа агIамта ауацIа Лагъь КIавкIаз ауагIахъаква ртурыхи рбзазари шакIвшуз урыхадыргIвазитI. Араъа йгIарбапI йджьащахъву КIавкIаз агьагьара. Йапхъахауа ахъвы апны КIавкIаз абзазагIвчва рсурат квпшыраква ахъыхацIыхпI: абазаква, ачеркесква, акъарчаква, асатинква… Йхъызхыз ауыс азъазарала йбергьльу асуратхъыхыгIвчва ракIвпI: Ермаков Д.И., Оже Г.Н., Александрович И., датшагьи.

ЙгIвбахауа ахъвы а-Кырт йгьи Асатин арныкъварта мгIваква йырзынархапI: КIавкIаз атланыкъвала амшын КвайчIва атшпы, Редант псыхIва, Казбек ащхъа цхIашв, асатин кытква Унал, Нузал, Реком рсурат квпшыраква…

Йхпахауа ахъвы Лагъь КIавкIаз акъалаква йырзалхпI – Нарцана, Псхваба, Железноводск, Владикавказ: асасыртаква, адзгIацIцIырта хьпшыртаква, ачартаква, архитектура асин уыхвараква… Лагъь КIавкIаз акурортква ртурых шIыц-шIыц псы гIахъазцIахыз, ауи збзиру асуратхъыхыгIв-ршIыйагIвчва рщардагIв рыхьызква уыжвгIандзара йбергьльымкIва йгIамгIвайсуан.

Аинформагентстваква рхабарквала йадгалапI

Поделиться в соц. сетях

Share to Google Buzz
Share to Google Plus
Share to LiveJournal
Share to MyWorld
Share to Odnoklassniki