Library

Июль а 12 атшын Казань апны асквш 2013 йаквшауа чквынрга ранкъвакъвра – й-ХХV-хауа а-Дунейла апхын универсиада – гахъыртыт. Ауниверсиада йгадгылт къраль 162 ргащтийыгвчва, араъа спорт квпшыра 27-ла медальта 250 райха йырзабакуан. «Универсиада – 2013» – СССР алплищтара Россия апны йапхъахауата йаквшаз чквынрга йранкъвакъврап.

Хвитра абакрала адунейла гван йчемпионхаз, Олимпиада – 2012 анаквуш джьаз медаль гатызгаз, Апсны апны ййыз Царгуш Денис а-Универсиада «ахьапщ» гатигат. Афинал анйара апны зхатлара килограмм 74 йнадзауа абакыгвчва рквтала Денис Азербайджьан йауу Гасанов Джабраил дйайгайт. Афинал днадзара ахъазла ауи Молдавия, США, Монголия, Иран йгартыцыз аспортсменква рпынгьи дхъахьхат.
Универсиада – 2013 ахьапщ медаль апшвыма йшихвазла, Олимпиада даъата йгванхауа алшара йзыганшазшва аквын дшабакуаз. «Адгалра уысква швабыж йхагата, азазаъащаква гвапата, апшыгвчва ргвы узыцхауата аквын анкъвакъвраква шаквшуз, сквшыкла щтахьла утхъахырквын Лондон апны йшаъаз йгьайчвамызт», – йгацицахт Денис. Царгуш Денис йшихвазла, дамайчуата, йылшараква зымгва адикылта асквш 2016 аган йаквшуш Олимпиада тшазирахызруашт. Ауи анкъвакъвра ду Рио-де-Жанейро апны йадыргалуашт.

Квициниа Асида,
«Абаза Къраль» сайт йазалхп

Поделиться в соц. сетях

Share to Google Buzz
Share to Google Plus
Share to LiveJournal
Share to MyWorld
Share to Odnoklassniki