Library

Июль а 12 атшын Казань апны асквш 2013 йакIвшауа чкIвынргIа ранкъвакъвра – й-ХХVII-хауа а-Дунейла апхын универсиада – гIахъыртIытИюль а 12 атшын Казань апны асквш 2013 йакIвшауа чкIвынргIа ранкъвакъвра – й-ХХVII-хауа а-Дунейла апхын универсиада – гIахъыртIытI. Ауниверсиада йгIадгылтI къраль 162 ргIащтийыгIвчва, араъа спорт квпшыра 27-ла медальта 250 райхIа йырзабакIуан. «Универсиада – 2013» – СССР алпIлищтара Россия апны йапхъахауата йакIвшаз чкIвынргIа йранкъвакъврапI.

Хвитра абакIрала адунейла гIван йчемпионхаз, Олимпиада – 2012 анакIвуш джьаз медаль гIатызгаз, Апсны апны ййыз Царгуш Денис а-Универсиада «ахьапщ» гIатигатI. Афинал анйара апны зхIатлара килограмм 74 йнадзауа абакIыгIвчва рквтала Денис Азербайджьан йауу Гасанов Джабраил дйайгIайтI. Афинал днадзара ахъазла ауи Молдавия, США, Монголия, Иран йгIартыцIыз аспортсменква рпынгьи дхъахьхатI.
Универсиада – 2013 ахьапщ медаль апшвыма йшихIвазла, Олимпиада даъата йгIванхауа алшара йзыгIаншазшва акIвын дшабакIуаз. «Адгалра уысква швабыж йхIагIата, азазаъащаква гвапата, апшыгIвчва ргвы узыцхIауата акIвын анкъвакъвраква шакIвшуз, сквшыкIла щтахьла утхъахырквын Лондон апны йшаъаз йгьайчвамызтI», – йгIацицIахтI Денис. Царгуш Денис йшихIвазла, дамайчуата, йылшараква зымгIва адикIылта асквш 2016 агIан йакIвшуш Олимпиада тшазирахIызруаштI. Ауи анкъвакъвра ду Рио-де-Жанейро апны йадыргалуаштI.

Квициниа Асида,
«Абаза Къраль» сайт йазалхпI

.

Поделиться в соц. сетях

Share to Google Buzz
Share to Google Plus
Share to LiveJournal
Share to MyWorld
Share to Odnoklassniki