Library

Амузейква хIуыжвгIанчIви культура йахъвхъадапI. Ауат аугIа ркультури ртурыхи щтата йгIаныржьыз, ажвлара ауи азазаъащата йазрыму йыргIарбагапI. Акультура тынха апкъыгIваква гIазызкIкIуа, ауат йрызсакъуа йынкъвызгауа амузейква нхара ду акIвдыршитI. Ауи анхара анаука дырраква йгьи арыпхьара, бжьара уысква йырзынархапI. Амузейква апхьартаква, анхартаква рпны йангIандыршауа щатата йырзалуа згвы цхIауа агIвычIвгIвысква йадыркIылуа ажвлара ртурых йашахIату апхъанчIви пкъыгIваква ракIвпI. Абараса атурых ашахIатква аугIа тшрыхадыргIвазаныс рылшитI. Ауат абанпараква апызщылуа ахацква гIадрыбергьльитI. Ауи акIвпIта йду-йчкIвынызтынгьи амузейква рмагIны дупI. Ауат апхъанчIви замани уыжвгIанчIви замани йрайчважвагапI, жвыра зымхьуа ауасаражври уахьчIвала абзазара шхIылахIхIвауи йрашIырпшыгапI. Араъа азаман гIашIаситI, ауи аъатагьи йгьудырхуам.
<p style=”text-align: center;”><a href=”http://test.alashara.org/ru/files/2012/09/Museum.jpg”><img title=”Museum” src=”http://test.alashara.org/ru/files/2012/09/Museum.jpg” alt=”" width=”400″ height=”311″ /></a></p>
<!–more–>
Ажвлара руыжвгIанчIви музейква аугIа ркультура гIащаквырыжьныс йшащту йыршвапха бзипI. Ауат ашвапхаква йрыуазакIыпI Хъвыжвду кыт апхьарта амузейгьи. Амузей асквш 1985 агIан йгIандыршатI. Ауищтара ауи йджьащахъву аэкспонатквала йалахIатI, тшауацIнахтI. Апхъала апшта амузей хачIв хъадата йархъйауа ари акIвпI – асабиква рцри кыт, рпсадгьыл бзи йдырбара. Амузей агIаныршара арыпхьагIвчвагьи акыт абзазагIвчвагьи ргIапсара алапI, абанпара щарда закIы-закI, гIвба-гIвбамца гIальаматракI гIазырбауа, гIаншаракI йаквшахIату, тгIачвакI рбзазара йацгIамгIвайсуаз апкъыгIваква гIадыргалуан. УахьчIвала амузей унашва ахъылцIитI Адзын Земфира, ауи араъа асквш 2006 йгIашIарышвта дынхитI.
– Ари апещ йыгIвну апкъыгIваква зымгIвагьи хвду рымапI, рыуа запшызлакIгьи хIугIа рцIасква, рхабзаква, рбзазара йыргIвыгапI. Амузей гIаншищтара йцIуа асквш 27 руацIа хIкыт атурых йапщылу, йаквшахIату пкъыгIва щарда гIадыргалхьатI араъа, – йгIалылкIгIитI Земфира.
ЦIабыргыта, араъа апхъанчIви бзазара уахьысныс, йуылаухIваныс ахъазла «азаман йалсуа машинагьи» угьазыбжам.
Уаннашылра армала акыт йгIатадрийыз агIвычIвгIвыс ду академик, апрофессор, апедагогика наукаква рдоктор Экба Назир Бакьмырза йпа йзалхта гъыцIара аныргIалпI. Данынхуз дыздзхъачIваз астол, йкъальам, йтелефон, йызнымкIва йахъирышвтуаз акнигаква, абльын сахIат датшагьи ауи йхъатачIвыз апкъыгIваква рыуа щарда уыла йгIацIашвитI. Йынхара-бзазара йалыргата йызну астенд абльын йкIыдырцIатI. Аратква зымгIва уанырпшуа йунагIва уаъата йынхара пещ уыгIвназшва йубитI. Абари агъыцIара аныргIалра, акнигаква ргIалхра, ашвъаква рагвныргIвра агьиква руыс лгIапсара ду алалцIатI апхьарта адиректор ШенкIауа Маридат.
Ауи йащтагIайуа ахъвы Хъвыжвду кыт гIанзыршакваз аугIа йырзалхпI. НапIыла йчпу акарта апны ауат апхъала йъабзазуз аштаква гIарбапI. Йшбергьльу апшта, ауат апхъала Апсны апны йбзазун. Акарта апны йгIарбапI ПсхIвы йгIатыцIта ужвы акыт ъачIву ахьыла йшгIайтыпуз. Йара араъа йаныргIалпI аткъвымхьызква ртурыхква йгIарыквчважвауа ашвъаквагьи ткъвымипхьадза рдамыгъа квпшыраквагьи. ЙжвагIхауа асквшышв агIан йырчпаз унагIва пкъыгIва щардала йбайапI амузей: атахта, агIвыга, абашлыкъ, аласа хыхага, амшIчвартагъвы, ауасамцара. Арат апкъыгIваква Хъвыжвду абзазагIвчва рунагIваква рпны йынкъвыргун, амузей ангIанша араъа йгIадыргалтI.
Апхьарта амузей апны йкIьыду агъыцIара рзалхпI Абашта айсра Ду йпшцIата йайсыз акыт абзазагIвчва, щтадъа йыдзыз айсыгIвчва. Ауат рсуратква, рынхара-бзазара зну ашвъаква, рхъацIара гIазырбауа ашвъаква агьиква – ауат тшрыхазыргIвазауа ашIаква, йгIадзынгылуа абанпараква ркытлагIвчва фырква рунашвагьи рыхьызквгьи зынгьи йгьырхъаштылуашым.
Амузей агIаныршагIвчва акыт атурых апны зуысквала, зыхьызла щта пшдза гIанызжьыз, нхара-бзазарала акыт атшауацIнарыхра зкъару алазцIаз рыуа заджвгьи дшырхъмаштылуаш йащтапI. Ауи апшта араъа рунашва гIарбапI аколхозгьи асовхозгьи рынхагIвчва, адепутатква, апхьахьаква, ажурналистква, агIвгIвчва, асуратчпагIвчва, айъазагIвчва. АстендкI абгата акъвабызч ъаза, акультура апны гIатгара зму анхагIвы Гвагв Уасман йзынархапI. Адзын Земфира йшылхIвауала, апхъала акыт апны ауи даламкIва гвыргъьара хайыркIгьи гьакIвымшузтI.
Амузей апны йсакъуата йынкъвыргитI апхьагIвчва рдахIвракви ргIатгаракви гIазырбауа акубокква, аграмотаква, аршIыйара напIлачпараква. Ауат гIатызгаз апхьагIвчва рныбыжьквалагьи йанапхьуз агIамталагьи йгьапшым. Лыхьыз пIатIу ду аквырцIауата гыларта кIьыда лзалхпI амузей агIаныршагIвы, сквшкъомкI руацIа апхьарта унашва ахъызцIуз Ашкацауа ФатIима Айуб йпхIа. АгIсквша цIитI ауи адуней лхIваджьищтара, ауаса акыт абзазагIвчва ауи пхата ргвы дтапI, гIвыма кыт дгIатадрийызтынгьи Хъвыжвдугьи лцрихатI. Апхьарта даунашвачпагIвызтынгьи ауи лунагIва апны зынгьи йгьгIалнымпщуазтI, араъа йыгIвназ апхара угIа щарда арысасуан. Амузей ангIандыршуз ФатIима арыпхьагIвчвагьи лыцта унагIва-унагIва дакIвшун, ауат зыхьыз бергьыльхаз абзазагIвчва рхабарква азыркIкIуан.
АпхьагIвчва амузей йнашылланыс бзи йырбитI. Рыуа дзачIвызлакIгьи йцрикI, ахIбачва йрыуу йъахIльыкI йунашва данйитI. Абараса амузей асабиква ругIахъагьи рпсадгьылгьи бзибара азрымата йгIадзынгылныс йацхърагIитI. ЧкIвынргIа рбжьара апны ауи амагIны гIаргвынгIвуата алшараква арыпхьагIвчва щардала йгIадрысабапитI. ЦIаста йшщаквгылызла, апхьара сквшы ахъа йапхъахауа акласс йыцIалуа асабиква амузей ддырбалитI. Зны ауи апш гIамдаракI анакIвшуз йгIаншаз аджьащахъвара аунашва гIалрахитI Адзын Земфира.
– АпычIв классква рарыпхьагIв Джыр Гваща ГIабид йпхIа апхьарта ашвхъымса йгIахъысгIвацаз асабиква амузей йгIалдылын астендква длырбауа далагатI. Ауи асахIат бжьарала адиректор лцхърагIагIв Дзыуа ГIайщати сари аэкспонатква хIрыдынхалуан. АрыпхьагIв лчважвара Абашта айсра Ду йазынарху астендла дгIалагатI. Ауи амщтахь анахьанат астендква дрыдзхъагылуамцара зыхьызква бергьльу абзазагIвчви акыт атурыхи дгIарыквчважвун. Анауки арыпхьари рунашва зну астенд данадзхъагылбырг кIара хIвара дахамдзаскIва асабиква «ФатIима Айуб йпхIа» – хIва йацшIакIта йгIархIватI. ХIара ауи джьахIщачван хIгыланхатI – апхьарта йгIацIалыжьныс дахамдзазтынгьи арат асабиква ауи лсуратла дгIардырхтI. Ауи аъарала дгвапанта, акыт дрызбзийынта, ауи аъарала хвыцгьи дугьи бзи йылбунта – лгIвычIвгIвысагIарагьи лбзирагьи аугIа йгьырхъмаштылтI. Амузей агIаныршара йалалцIаз лкъаругьи лгIапсарагьи щта пшдзата аугIа ргвы йгIатахатI.
ДахIбазтынгьи, дайцIбазтынгьи ари амузей йгIашылуа дзачIвызлакIгьи шIыцракI, гвыбзыгъаракI йылайхIвитI. Асабиква ръахIльыкI йгIатгаракви йдахIвра дукви рунашва анырдырра рхъа шаладухауа рылубгIауата йджьаудырщитI. Ажва гьалам, Хъвыжвду кыт абзазара атшауацIнарыхра апны йгIадзынгылуа абанпараква рбжьарала абари амузей хачIв ду архъйитI.
<p style=”text-align: right;”><em>Джьандар Залина </em></p>
<p style=”text-align: right;”><em>АгIвыра «Абаза Къраль» сайт йазалхпI</em></p>

Амузейква хIуыжвгIанчIви культура йахъвхъадапI. Ауат аугIа ркультури ртурыхи щтата йгIаныржьыз, ажвлара ауи азазаъащата йазрыму йыргIарбагапI. Акультура тынха апкъыгIваква гIазызкIкIуа, ауат йрызсакъуа йынкъвызгауа амузейква нхара ду акIвдыршитI. Ауи анхара анаука дырраква йгьи арыпхьара, бжьара уысква йырзынархапI. Амузейква апхьартаква, анхартаква рпны йангIандыршауа щатата йырзалуа згвы цхIауа агIвычIвгIвысква йадыркIылуа ажвлара ртурых йашахIату апхъанчIви пкъыгIваква ракIвпI. Абараса атурых ашахIатква аугIа тшрыхадыргIвазаныс рылшитI. Ауат абанпараква апызщылуа ахацква гIадрыбергьльитI. Ауи акIвпIта йду-йчкIвынызтынгьи амузейква рмагIны дупI. Ауат апхъанчIви замани уыжвгIанчIви замани йрайчважвагапI, жвыра зымхьуа ауасаражври уахьчIвала абзазара шхIылахIхIвауи йрашIырпшыгапI. Араъа азаман гIашIаситI, ауи аъатагьи йгьудырхуам.<p style=”text-align: center;”><a href=”http://test.alashara.org/ru/files/2012/09/Museum.jpg”><img title=”Museum” src=”http://test.alashara.org/ru/files/2012/09/Museum.jpg” alt=”" width=”400″ height=”311″ /></a></p><!–more–>
Ажвлара руыжвгIанчIви музейква аугIа ркультура гIащаквырыжьныс йшащту йыршвапха бзипI. Ауат ашвапхаква йрыуазакIыпI Хъвыжвду кыт апхьарта амузейгьи. Амузей асквш 1985 агIан йгIандыршатI. Ауищтара ауи йджьащахъву аэкспонатквала йалахIатI, тшауацIнахтI. Апхъала апшта амузей хачIв хъадата йархъйауа ари акIвпI – асабиква рцри кыт, рпсадгьыл бзи йдырбара. Амузей агIаныршара арыпхьагIвчвагьи акыт абзазагIвчвагьи ргIапсара алапI, абанпара щарда закIы-закI, гIвба-гIвбамца гIальаматракI гIазырбауа, гIаншаракI йаквшахIату, тгIачвакI рбзазара йацгIамгIвайсуаз апкъыгIваква гIадыргалуан. УахьчIвала амузей унашва ахъылцIитI Адзын Земфира, ауи араъа асквш 2006 йгIашIарышвта дынхитI.
– Ари апещ йыгIвну апкъыгIваква зымгIвагьи хвду рымапI, рыуа запшызлакIгьи хIугIа рцIасква, рхабзаква, рбзазара йыргIвыгапI. Амузей гIаншищтара йцIуа асквш 27 руацIа хIкыт атурых йапщылу, йаквшахIату пкъыгIва щарда гIадыргалхьатI араъа, – йгIалылкIгIитI Земфира.
ЦIабыргыта, араъа апхъанчIви бзазара уахьысныс, йуылаухIваныс ахъазла «азаман йалсуа машинагьи» угьазыбжам.
Уаннашылра армала акыт йгIатадрийыз агIвычIвгIвыс ду академик, апрофессор, апедагогика наукаква рдоктор Экба Назир Бакьмырза йпа йзалхта гъыцIара аныргIалпI. Данынхуз дыздзхъачIваз астол, йкъальам, йтелефон, йызнымкIва йахъирышвтуаз акнигаква, абльын сахIат датшагьи ауи йхъатачIвыз апкъыгIваква рыуа щарда уыла йгIацIашвитI. Йынхара-бзазара йалыргата йызну астенд абльын йкIыдырцIатI. Аратква зымгIва уанырпшуа йунагIва уаъата йынхара пещ уыгIвназшва йубитI. Абари агъыцIара аныргIалра, акнигаква ргIалхра, ашвъаква рагвныргIвра агьиква руыс лгIапсара ду алалцIатI апхьарта адиректор ШенкIауа Маридат.Ауи йащтагIайуа ахъвы Хъвыжвду кыт гIанзыршакваз аугIа йырзалхпI. НапIыла йчпу акарта апны ауат апхъала йъабзазуз аштаква гIарбапI. Йшбергьльу апшта, ауат апхъала Апсны апны йбзазун. Акарта апны йгIарбапI ПсхIвы йгIатыцIта ужвы акыт ъачIву ахьыла йшгIайтыпуз. Йара араъа йаныргIалпI аткъвымхьызква ртурыхква йгIарыквчважвауа ашвъаквагьи ткъвымипхьадза рдамыгъа квпшыраквагьи. ЙжвагIхауа асквшышв агIан йырчпаз унагIва пкъыгIва щардала йбайапI амузей: атахта, агIвыга, абашлыкъ, аласа хыхага, амшIчвартагъвы, ауасамцара. Арат апкъыгIваква Хъвыжвду абзазагIвчва рунагIваква рпны йынкъвыргун, амузей ангIанша араъа йгIадыргалтI.
Апхьарта амузей апны йкIьыду агъыцIара рзалхпI Абашта айсра Ду йпшцIата йайсыз акыт абзазагIвчва, щтадъа йыдзыз айсыгIвчва. Ауат рсуратква, рынхара-бзазара зну ашвъаква, рхъацIара гIазырбауа ашвъаква агьиква – ауат тшрыхазыргIвазауа ашIаква, йгIадзынгылуа абанпараква ркытлагIвчва фырква рунашвагьи рыхьызквгьи зынгьи йгьырхъаштылуашым.
Амузей агIаныршагIвчва акыт атурых апны зуысквала, зыхьызла щта пшдза гIанызжьыз, нхара-бзазарала акыт атшауацIнарыхра зкъару алазцIаз рыуа заджвгьи дшырхъмаштылуаш йащтапI. Ауи апшта араъа рунашва гIарбапI аколхозгьи асовхозгьи рынхагIвчва, адепутатква, апхьахьаква, ажурналистква, агIвгIвчва, асуратчпагIвчва, айъазагIвчва. АстендкI абгата акъвабызч ъаза, акультура апны гIатгара зму анхагIвы Гвагв Уасман йзынархапI. Адзын Земфира йшылхIвауала, апхъала акыт апны ауи даламкIва гвыргъьара хайыркIгьи гьакIвымшузтI.
Амузей апны йсакъуата йынкъвыргитI апхьагIвчва рдахIвракви ргIатгаракви гIазырбауа акубокква, аграмотаква, аршIыйара напIлачпараква. Ауат гIатызгаз апхьагIвчва рныбыжьквалагьи йанапхьуз агIамталагьи йгьапшым. Лыхьыз пIатIу ду аквырцIауата гыларта кIьыда лзалхпI амузей агIаныршагIвы, сквшкъомкI руацIа апхьарта унашва ахъызцIуз Ашкацауа ФатIима Айуб йпхIа. АгIсквша цIитI ауи адуней лхIваджьищтара, ауаса акыт абзазагIвчва ауи пхата ргвы дтапI, гIвыма кыт дгIатадрийызтынгьи Хъвыжвдугьи лцрихатI. Апхьарта даунашвачпагIвызтынгьи ауи лунагIва апны зынгьи йгьгIалнымпщуазтI, араъа йыгIвназ апхара угIа щарда арысасуан. Амузей ангIандыршуз ФатIима арыпхьагIвчвагьи лыцта унагIва-унагIва дакIвшун, ауат зыхьыз бергьыльхаз абзазагIвчва рхабарква азыркIкIуан.
АпхьагIвчва амузей йнашылланыс бзи йырбитI. Рыуа дзачIвызлакIгьи йцрикI, ахIбачва йрыуу йъахIльыкI йунашва данйитI. Абараса амузей асабиква ругIахъагьи рпсадгьылгьи бзибара азрымата йгIадзынгылныс йацхърагIитI. ЧкIвынргIа рбжьара апны ауи амагIны гIаргвынгIвуата алшараква арыпхьагIвчва щардала йгIадрысабапитI. ЦIаста йшщаквгылызла, апхьара сквшы ахъа йапхъахауа акласс йыцIалуа асабиква амузей ддырбалитI. Зны ауи апш гIамдаракI анакIвшуз йгIаншаз аджьащахъвара аунашва гIалрахитI Адзын Земфира.
– АпычIв классква рарыпхьагIв Джыр Гваща ГIабид йпхIа апхьарта ашвхъымса йгIахъысгIвацаз асабиква амузей йгIалдылын астендква длырбауа далагатI. Ауи асахIат бжьарала адиректор лцхърагIагIв Дзыуа ГIайщати сари аэкспонатква хIрыдынхалуан. АрыпхьагIв лчважвара Абашта айсра Ду йазынарху астендла дгIалагатI. Ауи амщтахь анахьанат астендква дрыдзхъагылуамцара зыхьызква бергьльу абзазагIвчви акыт атурыхи дгIарыквчважвун. Анауки арыпхьари рунашва зну астенд данадзхъагылбырг кIара хIвара дахамдзаскIва асабиква «ФатIима Айуб йпхIа» – хIва йацшIакIта йгIархIватI. ХIара ауи джьахIщачван хIгыланхатI – апхьарта йгIацIалыжьныс дахамдзазтынгьи арат асабиква ауи лсуратла дгIардырхтI. Ауи аъарала дгвапанта, акыт дрызбзийынта, ауи аъарала хвыцгьи дугьи бзи йылбунта – лгIвычIвгIвысагIарагьи лбзирагьи аугIа йгьырхъмаштылтI. Амузей агIаныршара йалалцIаз лкъаругьи лгIапсарагьи щта пшдзата аугIа ргвы йгIатахатI.
ДахIбазтынгьи, дайцIбазтынгьи ари амузей йгIашылуа дзачIвызлакIгьи шIыцракI, гвыбзыгъаракI йылайхIвитI. Асабиква ръахIльыкI йгIатгаракви йдахIвра дукви рунашва анырдырра рхъа шаладухауа рылубгIауата йджьаудырщитI. Ажва гьалам, Хъвыжвду кыт абзазара атшауацIнарыхра апны йгIадзынгылуа абанпараква рбжьарала абари амузей хачIв ду архъйитI.<p style=”text-align: right;”><em>Джьандар Залина </em></p><p style=”text-align: right;”><em>АгIвыра «Абаза Къраль» сайт йазалхпI</em></p>

Поделиться в соц. сетях

Share to Google Buzz
Share to Google Plus
Share to LiveJournal
Share to MyWorld
Share to Odnoklassniki


Attached files:

museum25081.jpg