Library

Декабрь ацба йгIашIарышвта агIбадза хвитра абакIрала Россия аштаква гIацIанакIуата Черкесск апны йакIвшаз анкъвакъвра зныбыжьла 12-13 сквша йырту спортсмента 250-гIв райхIа алан. Анкъвакъвра Россия апны гIатгара зму абжьагIвы Чква Михаил йхъмаштылра йазынархата йакIвшун. АбакIыгIвчва гвыпква Минводы, Дагъстан республика, Къабард-Балкъар республика, Къарча-Черкес республика йыргIащтийыгIвын.

Аспортсменква рхIтларала 13 гвыпкIта йшан. АжвыгIв рпны апхъагылара Къарча-Черкес абакIыгIвчва йрыман, ауат йрыуата гIвычкIвынчва Чква М.З. йыхьыз зхъу «АшIара» спорт апхьарта йыцIапI. Шай Дамир зхIатлара килограмм 36 йнадзауа аспортсменква рквтала дабакIуан, Бетуганов Мурат – килограмм 56 йнадзауа рквтала.

Йапхъахауа агыларта Къарча-Черкес республика абакIыгIвчва гвып йыркIытI, йгIвбахауа агыларта – Дагъстан абакIыгIвчва, йхпахауа агыларта – Къабард-Балкъар йауаз аспортсменква. Анкъвакъвра апхъагылагIвчва амедальква, акубокква, артшхъвагаква, ачвахъабага согIаква, ахча согIатква рквнадыргатI.
Анкъвакъвра йрыпшдзатI асас, Россия аспорт апны гIатгара зму амастер, Олимпия Хъвмарраква рапхъагылагIвчва йрылу, йызнымкIва адуней йачемпионхаз, Дагъстан абакIыгIвчва гвып рбжьагIвы хъада Сажидов Сажид.
Анкъвакъвра йапщылаз датшагьи айззаракI йалан абакIыгIвчва рбжьагIвчва, спортла КЧР аминистерства агIащтийыгIвчва. Декабрь абыжьба атшын ЙынджьыгьчкIвын кыт «АшIара» спорт апхьарта апны ауи гIанзыршаз Чква Михаил Заудин йпа йхъмаштылра гъвы гIахъыртIытI.

ЧкIала Георгий
«Абаза Къраль» сайт йазалхпI

АгIвыра абгата Черкесск апны йаныргIалу «Алашара» Дуней адкIылара ахъвшара асайт йтапI

Поделиться в соц. сетях

Share to Google Buzz
Share to Google Plus
Share to LiveJournal
Share to MyWorld
Share to Odnoklassniki