Абаза литература – адуней апхьагIв йыхъазла

Германия апны акнига «Абаза проза» («Abasinische Prosa») гIацIцIтI. Акнига агIацIцIра збзиру анамыца апхьахьа Штеффи Хотивари-Юнгер йгьи афилология наукаква рдоктор, апрофессор ЧкIала ПIитIа рацынхара акIвпI. ПIитIа агIвыраква абаза бызшва йгIахъихын урышв бызшвала йатайкIтI, Штеффи ауат урышв бызшва йгIахъылхын намыца бызшвала йылрыхIазыртI.

Напа 176 йнадзауа акнига йбергьльу агIвгIвчва ЧквтIу Микаэль, ДзыгIва Паша (Петр), ТхIайцIыхв Бемырза, ПIаз Роза, Къвапсыргьан Валентина, Апса Фатимат, КIьыщмахва Муса (Маджьид), Аджьбакь ХIаджьисмель, Джьгватан Къали, Дагвжвей МухIадин, ЧвзыкIьа ШахIымби проза хвыц жанрла ргIвыраква 30 раъара йнадзауата йаншвалтI. Йара ЧкIала ПIитIа апхьагIвчва литературадырыгIвта акIвпI дшырдыруа, ауаса араъа йалу йминиатюраквала алитература ршIыйарагьи дшазъазу убитI. Акнига кIьыдата йаланакIтI абаза гIвгIвчва рынхара-бзазара турыхква йгьи агIацIщтра йгIаквчважвауа Штеффи Хотивари-Юнгер лгIвыра.

Абаза проза намыца бызшвала агIацIщтра абаза уагIахъа рыхъазла амагIны швабыж йдупI. Ари йдучвам акнига абзирала намыца бызшвала апхьагIвчва йырхъазымкIва адунейла апхьагIвчва зымгIвагьи абаза литература тшахадыргIвазаныс рылшуштI.

Константинов Георгий,
«Абаза Къраль» сайт йазалхпI

Поделиться в соц. сетях

Share to Google Buzz
Share to Google Plus
Share to LiveJournal
Share to MyWorld
Share to Odnoklassniki