Нотала йгIву

Санкт-Петербург йтагылу агIвырагIацIщтырта «Композитор» апны Гваджьа Галина лашваква разкIкIра «Ауарадква – сгвы гIазырпхауа» гIацIцIтI. АзкIкIра йалапI автор лара-лара нотала йылгIвыхыз Къарча-Черкес ауагIахъа макъымквагьи.

Гваджьа Галина абаза уагIахъа йщардагIвымкIва йгIарылцIыз акомпозиторква дрыуапI. Ауи лыршIыйара йгIважвахауа асквшышв й-60-хауа асквшква рагIан йджвыквылцIатI. Апхъапхъа йалалцIаз ашваква йрыуата Джьгватан Къали йажваквала йгIанлыршаз ашва «Абазашта» ауагIа абаза гимнта йырпхьадзитI. Ашваква «Бабацауа?», «Гвым», «Млыквла сужьара утахъыпI», датшагьи щарда рбжьы ангагIваца йгIашIарышвта ауагIа бзи йырбан уыжвгIандзарагьи йыргвапхаркIвитI. Рпхьадзара 28 йнадзауата азкIкIра йалапI ашваква йырхъазымкIва амаршква, аъамапсыма быжьквала (гитара, балалайка) йаныргIалу амакъымква.

Лара лчIвква ргIаныршара йахъазымкIва Гваджьа Галина гватра ду лзыналырхитI ауагIа макъымква ашвъабгъьы ранцIара – нотала рыгIвра ауыс. Ауи Гвана Джьухиль лпхIа ХIачвыкъва Льольа дылпхIапI. Джьухильгьи Льольагьи абазаква рпны йбергьльу къвабызчыпI. Ауи ахIатырла Галина бзита йылдыруа апхъанчIви макъымква рбыжьгаща закIылагьи йацалымкIуата йшгIащаквылыжьуаш дащтапI. АзкIкIра «Ауарадква – сгвы гIазырпхауа» кьангьаш аламкIва ауи ауыс швабыж йацхърагIуштI.

Акнига «Алашара» адкIылара апрезидент Эгьзакь М.ХI. йгьи ахIаракьатчпагIв Тльыс Н.Я. рцхърагIарала йгIацIцIтI.

ЧкIала Георгий,

«Абаза Къраль» сайт йазалхпI

Поделиться в соц. сетях

Share to Google Buzz
Share to Google Plus
Share to LiveJournal
Share to MyWorld
Share to Odnoklassniki