08.02.2015 Артиада: КIавкIаз апхъанчIви цIас бзиква ргIащаквыргылхра

ЙтыцIхыз акультура Асквш Къарча-Черкес акультура бзазара апны шIырпшыра змам гIаншаракIла сгвы йгIатахатI – «Айгвара амарамыз» – хIва йзхьзыз а-Дуней фестиваль-анкъвакъвра йапхъахауата Черкесск апны асквш 2014 ноябр мыз агIан йакIвшатI. Анкъвакъвра адыргалтI КIавкIаз апны йгIаныршу а-Дуней Арт Комитет а-Хъвшара йгьи КIавкIаз а-Дуней ршIыйара Академия.

Read more

05.02.2015 Абаза уагIахъа рпхыцIа апны динисльам ащта

Адиаспора шгIаншаз

Йжвежвхауа асквшышв йгIвбахауа ацмызкI рагIан абаза щардагIв Осман къральыгIва ахьыла йайтыпахтI. Амиграция йашвхIаусыгIва духатI адин анкъвгара. Абазаква рдиаспора рыцIа йадкIылата уахьчIва йъабзазауа Трыквшта апны акIвпI. Дара-дара кыт-кытта йъачIваз абзирала рцри бызшвагьи апхъанчIви цIасквагьи уыжв хIзамандза йырзыгIахчатI. Ага ауагIахъа ъагIвшахаз йашвхIаусыгIвазтынгьи, амсылман дин агIвымакъральква рпны абазаква тшадыркIылхныс ахъазла йгIарцхърагIатI.

Read more

01.02.2015 Апсны апны апхъанчIви заман байара

КвайчIва суратла йрыпшдзу Амфора

Апсны апны археология чвахъабагаквала йбайата шта щарда аъапI. Ауат йрыуапI Эшера кыт. Араъа йгIараутI палеолит заман агIан (хIуыжвгIанчIви эра апхъала сквшы гIвмильуанкIи бжакIи йгIаршIарышвта сквшызкь 150 рпхьадзарадза йырбжьаз агIамта «палеолит» – хIва йапхьун) йбзазуз ауагIаква рапхъанчIви бзазарта, адамраква, «кромлех» – хIва йзпхьауа ахIахъв уыхвараква, апхъанчIви заман синква. Асквш 1977 агIан археолог Шамба Г. араъа йгIахъитIытI апхъанчIви нышвынтара, анахьанат апкъыгIваква йрылан «амфора» – хIва йзпхьауа ацIыкв сурат квайчIвала йрыпшдзата, хъарпагьи амгIаквагьи амата. Амфора Ленинград акъральыгIва музей Эрмитаж апны аквпшыра гIадыршIыцхын Апсны къральыгIва музей агIарбарта ахъазла йгIарыртхтI.

Read more

28.01.2015 АгIахIвра алахIвара пшдзаква

– Сара йапхъахауата срынйитI агIахIвра тшазызбжьаныс йазгIашыкъу араъарагIвы саби! – ХIачвыкъва МухIамад асабиква аршIыйара тшъадыркIылуагьи дайгвыргъьитI, ауыс арахьари ахъатагьи гвыргIва гIайыланацIитI: йызтахъу зымгIва дгьызрыдынхалуам, «момо» згIауа асабиква швабыж ргвы йаситI. – ЙчIвыуа йскъвыцIхитI, саргьи сгвы цIскIгIауа сгIанхитI, – йхIвитI абалетмейстер.

Read more

27.01.2015 Астомбыль апны Апсны атурист гIарбарта акIвшатI

Асквш 2015 январ а 22 йгIашIарышвта январ а 25-дза Астомбыль апны культурали туризмли Трыкв Республика а-Министерства ацхърагIарала йжвежвхауа атурист гIарбарта «Emitt Istanbul» ахьызта йакIвшатI. АгIарбарта ансисквша йадыргалитI. Араъа рыцIа йбергьльу атурист операторква ргIаджвыквцIара хъадаква гIадырбитI. СынчIва агIаджвыквцIараква нархарата йрыман Средиземноморье, Европа, Азия йгьи Лагъь Африка ркъральква. Январ а 22 атшын Апсны ащтийыгIвчва гвып Астомбыль йнадзатI. Агвып йрылан а-ХвгIахвтра-рхарджьра палата анхагIвчва, ауат друнашвачпагIвын апалата апрезидент Гагулия Геннадий. Апсны ащтийыгIвчва рэкспозиция андыргIалтI: Апсны аларпшыртаква гIазырбуз абаннерква, ауат йгIарыквчважвауа астендква йгьи апхъанчIви суратква. Апсны агIарбарта апны уыла йгIацIашвун ачвахъабагаква, абуклетква, акнигаква, ауагIахъа фачIвкви ачагIыр пкъыгIвакви: ацха, аджьынджьах, хвырмаргIва, жьыргIва, ашвы, ацIлашвырква, ачагIырква, аконьякква. Апсны агIарбарта йгIадзхъагылуаз асасчва апсуа гIахIвраквала йырпылуан.

Read more

27.01.2015 Абаза литература – адуней апхьагIв йыхъазла

Германия апны акнига «Абаза проза» («Abasinische Prosa») гIацIцIтI. Акнига агIацIцIра збзиру анамыца апхьахьа Штеффи Хотивари-Юнгер йгьи афилология наукаква рдоктор, апрофессор ЧкIала ПIитIа рацынхара акIвпI. ПIитIа агIвыраква абаза бызшва йгIахъихын урышв бызшвала йатайкIтI, Штеффи ауат урышв бызшва йгIахъылхын намыца бызшвала йылрыхIазыртI.
Read more

26.01.2015 Апсны акультура дазынхитI

Кварчия Нури Еремей йпа йквнагауата дрыларпхьадзатI акнига «КIавкIаз агIвычIвгIвыс дуква» (Нальчик, асквш 2013) афырква. «Кварчия Нури йапшу агIвычIвгIвысква йрыладухара атахъыпI Апсны – ауи йуагIахъа культура апхыцIа ахъазла йгвы швабыж йцхIитI, сквшкъомкI рурала шIасгьи гIапсарагьи йымдыруата ауи атшауацIыхра дазынхитI», – араса йхIватI Нури йыхъазла а-Дуней арт комитет авице-президент Бетуганов Ауес.

Read more

24.01.2015 Абаза литература амчбыжь

ЙшцIасхаз апшта, Байрамыкъва Халимат лыхьыз зхъу Къарча-Черкес къральыгIва библиотека анхагIвчва асквш шIыц ашта уагIахъа литератураква рымызла йгIахъыртIытI. Йара ауи ацIасла, ари амыз йапхъахауа амчбыжь абаза литератури акультури йырзынархапI. Арат амшква абиблиотека апны абаза авторква ркнигаква ргIарбарта акIвшитI. АгIарбарта апны урынйитI йагIвсыз асквшышв асквш 30-ква рагIан латин графикала апхъапхъадза йгIацIцIкваз акнигаквагьи йцIыхъвахауа асквшква ауат йызларылахIаз азкIкIраквагьи.

Read more

23.01.2015 Абаза литература ахрестоматия

Аквтанай апхьартаква рпны й-8-хауа акласс апхьагIвчва рыхъазла абаза литературала хрестоматия гIацIцIтI. Ауи дадынхалтI Къарча-Черкес къральыгIва университет афилология Институт черкес йгьи абаза филологияла акафедра адоцент Батал Къасай Ажумар йпа.

Read more

20.01.2015 Апсуа музыкантква рдуэт Казань йаъан

Январ а 18 Казань йтагылу Сайдашев Салих йыхьыз зхъу Аконцерт зал ду апны апсуа дуэт Гаделия Лука йгьи Эшба Кристина рконцерт акIвшатI. Аконцерт «Россия – Апсны культура гIамта» проект йаланакIуата йадыргалтI.

Read more