Библиотека

Гвым

ажв, амакъ. Къамби ФатIима

1.Сара сышта лашара, са с-Гвым пшдзадза,
УтымцIуа утапI сдуней уыркьахвуа сгвы хъгIадза.
Йъасчпаз йапхъахауа счIвырхъаква,
ЙъасхIваз йапхъахауа сан лыхьыз пшка.

2.ЗымгIва рацкIыс йбайару суагIахъа
ШвгIай, швгIайгва йбаракьату атшгIваква.
СдзыгIв быжь цкьа, архъа гвлахIара тыбгIаква,
Абна жвпIа, абыхъв хIагIара дудздзаква.

3.ЙгIадзынгылитI Гвым ачкIвынчва багъьаква,
ХIврапшдзата йгIалакъагIитI ахIвссаква.
Сцри КIавкIаз йахъвыкIпI Гвым псыхIва, суагIаква
Гвыргъьахъв бжьы ахъгаларагIатI Гвым, Гвым, Гвым.

ауарад Къамби ФатIима йылхIвитI.

Красный Восток

Автор слов и музыки Камбиева Фатима (2008)

1.Моя светлая земля, мой красивый Красный Восток,
Все время ты в моем сердце.
Здесь я сделала свои первые шаги
И впервые произнесла нежное имя моей мамы.

2.Мой народ богаче всех
Присоединяйтесь к нашему богатому столу.
Здесь чистые реки, широкие поля
Густые леса, высокие горы.

3.Вырастают в Красном Востоке крепкие парни.
Как цветы расцветают девушки.
Мой Красный Восток и мой народ являются частью Кавказа
Пусть над Красным Востоком будут звучать веселые голоса.

С-Къвбина


ажв. амакъ. Щыбзыхва Лариса.
Ауарад ХIасарокъва Елена йылхIвитI.

1.Ухъыкв сазцитI амгIващ хъарала,
Сгвы йаланархIауа усурат.
Са с-Къвбина, спсыпынкъвгитI уарала,
Уара йузысхIвитI са суарад!
АцхIвара:
Са с-Къвбина кыт, са скыт лашара,
Сгвы апны йхIвачвитI уара упхьарца,
Са с-Къвбина кыт, сара сбзибара,
Уарала сшбзазауа хъацIа!

2.ЙкIвыршапI са скыт анарт быхъвквала,
ЙтачIвапI йджьащахъву ашта пшдза.
Са скыт лашара, угьалцIуам сгвала,
Уара йузалхпI смурад дудздза!
АцхIвара.
3.ЙтIыпI хIара хIсасырта ашвква,
Уахъгьи тшынгьи са скыт швызпшитI.
ЙырныхIвитI хIышта хIуасаражвква,
АшIара нбжьагIвра гIаннаршитI.

Моя Кубина

1.Иду к твоим вершинам по тропинке
Твой вид поднимает мое настроение.
Моя Кубина живу тобой,
Тебе пою свою песню.

Припев:
Моя Кубина, мой светлый аул,
В моем сердце играет твоя гармошка.
Моя Кубина, мой любимый аул,
Верь, что тобой я живу.
2.Мой аул окружен нартскими горами
Расположен в удивительном месте
О тебе мои мысли
Все мои планы о тебе.
3.Наши двери всегда открыты.
И днем и ночью мой аул вас ждет.

Апсуа

ажв. амакъ. КIвыждза МухIамад.
Ауарад КIвыждза МухIамад йгIвытI.

1.Сажва схIвуй йахьтIа сара
ХIецIагыларныс хIара
Чегерей сатыцIын сай сара
Сгвы йто швасхIварныс швара.
Йшвымхъаштын зангьи швара
Льуан дызхъысыз айсраква
Апсха Льуан йабазаква
Апсырцха зкIыз афыр хъацIаква.
АцхIвара:
Апсуа са скыт швайгва
ХIебаркIыз сабазаква
Щардара хIымаз хIахIбачва
ХIымаз ахъацIара хIара
Чегерейу рыхьыз са суагIа
Ащхъарауа са скыт швайгва.

2.Закъара йырбаз суагIа
Айсра йаладз ахIбачва
Зхъа щтIазцIаз асадзуаква
ХIзыхIва хIбзаханыс хIара.
Анамыс гьдымрыдз суагIа
Щымхъала гьымгыл зджьара.
Тыркква ршIы йхъырцаз суагIа
Швайх хIа хшIы хIецбзашвырха.

АцхIвара.

3.ЙахьтIа ужыгьи йырхъыс айсра
ХIейщчва ршIы хIа хI-Псадгьылква
Апсны хIа хIейщчваква
ХIайайаш аскингьи хIара
Ужандзара адгьылква
Бзи йагIбу адзква, хIхваква
ЙхIыму хI-Псадгьыл пшдзаква
ГьрыхIтушам аджвгьи хIара.

АцхIвара.

4.Апхъа йшыкъаз хIахIбачва
Йшныкъвыргуз ахъацIара
ЙхIхъаштра гьатахъым хIара
ЙрашвхIва швара швпачва.
Йлашараз хIыжвгIвандква
Йпшдзаз хIа хIугIаква.
Йасрай дуща апхьарца.
Бзера хIымаз гвыргъьара.

АцхIвара.

Апсуа

Автор слов и музыки Кужев Мухамед. (2009-2010)

1.
Сегодня говорю я свое слово
Чтоб мы были вместе
Я пришел сюда с Чегерея
Рассказать вам, что у меня в сердце
Никогда не забывайте вы
Сколько воин Леон повидал
Царя Леона абазы
Апсырцху державшие войны.

Припев:
Приезжайте в гости в мой аул Апсуа,
Мы должны держаться вместе абазы
Пусть с нами будут наши старшие
Пусть у нас будет мужество.
Мой народ называется чегерей.
В горский аул мой приезжайте в госи.

2.
Сколько бед видел мой народ,
В войнах погибли наши старшие,
Головы сложили племена садзы
Чтоб сегодня мы жили.
Мы не потеряли наши обычаи,
На колени никогда не вставали,
В Турцию выгнали мой народ.
Возвращайтесь к нам, будем вместе жить.

3.
Сегодня вновь прошла война
У наших братьев на наших землях.
Абхазы наши братья
Мы победим вместе всегда
До сих пор любим наши земли
Наши горы и реки.
Нашу красивую землю
Никогда не отдадим никогда.

4.
Какими были наши старшие,
Какие они были мужественные,
Мы не должны это забывать,
Расскажите вашим сыновьям.
Пусть наше небо будет светлым.
Красивыми будут наши люди.
Играй громче гармошка.
Будем счастливыми.

Сара сыбызшва
ажв. амакъ Ныр Надя.
Ауарад Швотыкъ Мадина йылхIвитI.

1.ЙыгьсгвапыцIуам сыбызшва
ЙхъагIу, йпшдзу са сыхъазла,
Йгьсырпудуам сыбызшва
Ссабихъа счкIвынхъа сыбызшва.

АцхIвара:
Са стабзазитI Абазашта
Сара сабаза цкьапI.
СуызквырмышитI сгвы уызшашта,
Адуней сгIазшаз.
2.Схакв, стдзы, съайыз йачIвата
Йыгьсхъаштылуам зынгьи.
ЙспхьадзитI сабаза цкьата
Хвду азсымапI анцIрагьи.
АцхIвара.
3.СчважвитI са абазала
ЙсхIвитI абаза ашва.
СгIвитI сара абазала,
СхъвыцитI абазала са.

Мой язык

1.Люблю я свой язык,
Он родной, красивый для меня.
Не позорю свой язык
Язык моего детства.

Припев:

Я живу в Абазинии

Я чистая абазинка
Преклоняюсь перед тобой
Ты создал весь мир.
2.Свой дом, где я родилась
Не забываю никогда
Считая себя чистокровной абазинкой
Ценю это всю жизнь.
3.Разговариваю я на абазинком языке.
Пою на абазинском языке.
Пишу на абазинском языке
Думаю на абазинском языке.

Поделиться в соц. сетях

Опубликовать в Google Buzz
Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники